التدريب ,,

السلام عليكم,,
طبعا زي ما تعرفو ان التدريب للموظف شئ مهم ,, واحني نعرفو ان العالم من حولنا يتطور يوم بعد يوم ,,,
كلمة التدريب عندنا حاجة غريبة ,, هي طبعا معروفة في الشركات والمؤسسات باسم ( إدارة تنمية الموارد البشرية ) ,,, وهادي ماعندناش ,, كان عندنا قسم اسمه ( قسم التدريب ) وتوا في الورق بس تقريبا لو مش ماسحينه ,, المهم بدل ما تكون إدارة مدايرينها قسم وياريته شغال ....
اني طرحت الموضوع هذا لأن من أهداف الائتلاف تفعيل بند التدريب للموظفين..
ياريت تعطو مقترحات بالنسبة لموضوع التدريب .
وشكرا

السلام عليكم
اهلين بيك اختى ليلى انى نبي نرد على الموضوع الى طرحتيك
صح كلامك المفروض انه يتم تدريب الموظفين فيه موظفين ماعندهمش خلفية على النت حتى انهم يتواصلوا على المنتدى المفروض الموظفين يتم تدريبهم تدريب جيد ودورات مكتفة .
انتموا انهم ياخدوا الموضوع بعين الاعتبار.
والسلام عليكم ورحمة الله وبركاته
انيسة الهادى التليسي
زميلتك من فرع غريان

شكـــــــــــــــــــــــــــرا
ولكن يا اختى ليلى مع احترامى لوجهة نظرك وموضوعك المطروح ولكنه سابق لاوانه حتى يكون الائتلاف مؤسسة مدنية قائمة وبعدها يتم مناقشة امور التدريب والتأهيل وغيرها من الامور الاخرى .
والله اكبر الله اكبر ولله الحمد .

السلام عليكم .... لااريد ان اضيف الا ان اقول كيف ما يقولوا (كل شي في وقتا حلوا ) وكل شي جاي ان شاء الله بس ....خطوة خطوة .... وبتركيز حنطور نفسي ومؤسستي هكذا لابدا ان يكون الشعار ..... النجاح سلالم وعقبات علينا ان نجتازها معا لكي نصل الى ما نريد ان نسمو اليه .....