هل من خبر عن القروض

مرحبا
انا من قبل تحرير طرابلس تحصلت على موافقة على قرض لبناء منزل و نزل على الحساب قيمة القرض 7000 و لليوم ما اعرف متى سيبدء تفعيل القروض مجدد..علما اني من يومين سمعت وزير المالية في قناة الوطنية حسن زقلام انه سيبدء تفعيل القروض في شهر 4 ابريل ... و هذا يخص للمواطن المتحصل على الموافقة من المصرف ..ارجو ايفادي متى بالضبط علي الذهاب للمصرف لاخذباقية قيمة القرض لاستكمال بناء منزلي و كم ستكون قيمة القرض..ارجوكم انا في ضيق شديد جدا الايجار كسر ظهري و الازمة التي مررنا بها اثرة على مادياتي

بسم الله

قريبا ان شاء الله سوف يتم تفعيل القروض

حاليا يتم ترتيب المصرف وحاليا الموفظون ينظمون الاعمال وبدأت مسيرة التغيير لصالح العمل

اما بخصوص الدفعة الثانية وقروض 7500 اللى عطوها الى الليبين اثناء فترة الثورة لما كان الدم الليبى يسيل فان موضوعها لم يبث فيه الامر بس توجد مشاورات واجتماعات بخصوص الدفعة الثانية قريبا جدا

الشكر الجزيل على المعلومة التمينة ورغم التكتم الشديد من الموضفين وعدم رغبتهم في التحدت الا ان تصريح وزير المالية جيد ومشجع وارجو الافصاح اكتر عن متى وكيف فنحن في ضيق شديد جدا من توقف القروض التي تحصلنا على دفعتها الاولى بعد سنة كاملة من الجري وراء اوراق الملف لن طاح سعد نا كيف تمينا ملف القرض الروتيني تحياتي

السلام عليكم
المصرف قريباً زى ماقال الوزير سوف يشرع خلال الاسابيع القادمة او فى نهاية شهر 4 على العمل وانشاء الله سوف يكون الوضع افضل من قبل بأذن الرحمن
ولكن الان المصرف يضع فى خطة جديدة للقروض وبعض الترتيبات الداخلية فى الادارة الجديدة وانشاء الله سوف نضع اعلان فتح المصرف وكل شى عن القروض فى هذا المنتدى والردود على اى استفساراتكم .... واحنا ما صممنا هذا المنتدى الا فى خدمتكم وانشاء اللة ربى ايعينا على خدمتكم
ونشكر خوى محمد بن مولاهم على الاهتمام.....
والسلام عليكم والله اكبر وعاشت ليبيا حرة ...

مرحا ماجر ..
شكرا خوي بن مولاهم...عن الرد و على فكرة نبي نقولك كان النظام السابق مسهل على الشباب القروض والي من غير ربا ماكانت الثورة تصير ..و ماكان الدم الليبي سال ,,,(وهو على فكرة قاعد يسيل للان) الشعب الليبي كله تاعب من هذا النظام الي عيشنا 40 عام في الفقر ..ناس ساكن بالايجار ,,ناكلو على قدنا.عايشين محرومين حتى السيارة مهركعه..وناس ساكنه في براكه و ناس مانحكيلكش قسما بالله فيه عيلة ساكنة في السيارة بعد مالزهم صاحب الحوش .. المهم الي جرا على القرض وقت الدم الليبي يسيل راهو كان تاعب و محتاج و بعدين هذا من حقه ..البغدادي و معمر مش عاطينا حاجة من جيوبهم هذا من مال الليبين
المهم شكرا لانكم بشرتوني على القروض و اللله يرحم شهداءنا و يهدي الشعب الليبي و نبنو ليبية من جديد باش تكون احسن دولة
و شكرا على كل من بشرني ورد على موضوعي

شكرا ادمين على هذا الرد ..و معليشي كان تقوللنا قداش قيمة الدفعة الثانية من القرض راهي 7500 مادير شي و لتو ماعرفتش كيف نبني بيهم الاسمنت غالي و اليد العاملة غالية يعني حتى باش ندير الاساس الفلوس مايسدوش اني نتمنى ان الدفعة الثانية ماتقلش عن 20 الف باش الواحد يدير خطوة باهية في الحوش كا خطوة اولى ..و شكرا ليك لو اعطيتنا اي معلومة عن الدفعة الثانية

مرحبا بالغالية مادام موزة كلامك كلا من وحي الواقع المولم الي عايشين فيه نحن الليبيين وزي ما قلتي الناس تعبانه جدا وحتى السيارة مشتافين فيها وموش محصلينها حاشا الزلموكات ينصر دينك انتي قلتي الي نبي نقوله كمواطن شريف واضم صوتي لصوتك في طلب التوضيح للامور بصورة جيدة واشكر كل الموضفين الاوفياء وتحياتي لاعضاء اتلاف المصرف العقاري متمنيا لهم التقدم في ضل ليبيا الجديدة المزدهرة وشكرا

مرحبتين خوي ماجر اني قريت موضوعك و قريت كل ردودك و عرفت ان مشكلتك هي نفس مشكلتي و مشكلة كل شاب ليبي للاسف ..كلنا نبو نبنو حياش لان هو الاساس لحياة كريمة ...المهم ان شاء الله الفرج قريب ..خلنا متفائلين و نتمسكو بدعاء لرب العباد ..و انشالله ربي يفتحها عليك و تبني حوشك قريب قريب
و شكرا على ردك و اهتمامك

بسم الله

الاخوة .. نشكركم على تواصلكم معنا

الدم يسيل الى عند توا والمعناة مستمرة والفقر يزداد حتى بعد تحرير ليبيا

هدا علاش تأخرنا عن العمل .....

بس قريبا باذن الله فيه اخبار ممتازة للجميع ....

والحمد لله على كل حاااااال

السلام عليكم
بارك الله فيكم على المواصلة معنا وانشاء الله انحب انطمنكم حكيون المصرف افضل بكثير من ايم النظام السابق حتكونو مبسوطين انشاء الله
اخوكم عبد الناصر درنة