شكوه وإعتذار

( السلام عليكم ورحمة الله وبركاته)
بنسبه لي موعد الأجتماع مفروض الأعلان قبل الأجتماع بي15اليوم وفي بنغازي 1000كيلو متر معناه بنقعد أقل حاجه 3أيام في بنغازي بنسبه ليا مقدر جهودكم ومشكورين لكن في ناس بدقول (سوء إداره)حتا أني قولتها وضروري طياره وأني وطياره مش صحاب(أسف لي عدم الحضور)وباالتوفيق.



عاشت ليبيا [b][b]حره

السلام عليكم,,,
اول شئ يامحمد الموعد تقريبا كنا محددينه من يوم الاجتماع الأول يعني ليه تقريبا شهر , في الأول قلنا بعد عيد الأضحى على طول وكلنا اتفقنا في الإجتماع الأول على هذا الشئ ,, وبعدين مددنا المدة وحددناه يوم الخميس 24-11-2011 وانت عارف كيف الواحد يحجز ,, ومش ساهل انك تحجز في مكان واتفقنا اننا ما نبعدوش المدة ,, ودرنا اعلان يوم 17-11-2011 يعني من يوم الخميس اللي فات ,, وان شاء الله المرة الجاية تكون حاضر وشكرا يامحمد على المشاركة....
موفقين

السلام عليكم .... خوي محمد اشكرك على اهتمامك وحضورك كان ملفت المرة السابقة بالاجتماع الاول وكنت اود اني اشفوك الاجتماع الثاني بصراحة معنا ولكن ياشباب نحن نعمل قصرى جهدنا لنكون باحسن ما يكون ....
نحن لسنا مدعومين او ممولين من اي جهة حتى يمكننا ان نتحمل المصاريف السفر والا لكنا قد فعلنا كذا وكذا .... وان شاء الله بالقريب العاجل سنكون افضل مما سبق ... ونحن نعتذر ان كان قد قصرنا او نسينا او سهينا ,,,, ومن نحن الا بشر ..... وشكرا .....

السلام عليكم
نشكرك خوى محمد على حماسك لحضور الاجتماع ولاكن كان قرار موعد الاجتماع بعد العيد من الاعضاء الحضور فى الملتقى الاول وليس منا واحنا والله بجد احترنا ..مجموعة تقول مطولوش بالاجتماع القادم ومجموعة اتقول بعد شهر ولاكن الاصح ان احنا منطولوش المدة لان احنا تأخرنا كثيراً ومع العلم ان احنا نبهنا على الاجتماع قبل موعدة بعشرين يوم فى المنتدى واحنا كما قال لك المهندس ابراهيم لسنا ممولين اومدعومين والبداية صعبة وكان حجز القاعة صعب نظراً لكثرة المؤتمرات والاجتماعات الخاصة بالجهات الاخرى فكان هذا اليوم الوحيد ليس محجوزاً والتى جعلتنا نختار هذا المكان (فندق تبيستى) لانة المتعاون الوحيد معنا بلمجان ولاكن انشاء الله فى المرة القادة سوف يكون هناك تنسيق اكثر فى موعد الاجتماعات القادمة انشاء الله كما اتمنى وقفتكم معنا لان هذا الائتلاف ليس مبنى على شخص او شخصين بل مبنى على الكل لذا لابد ان نتعاون معاً
ونشكرك مرة ثانية والله اكبر....